Борбордук шайлоо комиссиясы Сагындык Келдибаевди Жогорку Кеңешке “Республика – Ата Журт” фракциясынан депутат кылып каттап, 24-апрелде мандат тапшырылды. Ал вице-премьер-министрлик кызматка кеткен Алтынай Өмүрбекованын ордуна келди.
Буга чейин айрым маалымат каражаттары Келдибаевдин кош жарандыгы бар экени, Орусиянын да жарандыгын алганы тууралуу кабар тараткан. Өзү "Азаттыкка" комментарий берип, мурда орус жарандыгы болгонун, аны 2014-жылдын 23-декабрында тапшырганын билдирген.
Жаңы депутат 51 жашта. (SE)
