Экс-президент Алмазбек Атамбаев КСДП партиясынын төрагасы болуп шайланды.
Бул тууралуу КСДП курултайына катышкан Бишкек шаардык кеңешинин депутаты Евгения Бердникова билдирди. Анын айтымында, курултайда Атамбаевди төрагалыкка шайлоо маселеси жана партиянын сегиз айлык отчету каралды.
Бүгүн, 31-мартта Бишкектеги “Орион” мейманканасында КСДП партиясынын курултайы өттү. Ага 190 делегат катышканы айтылды. Айрым делегаттар партия жетекчилигине нааразылык иретинде жыйындан чыгып кеткенин билдиришти. (TSh)
