АКШнын президенти Швейцарияга, Давос шаарындагы Дүйнөлүк экономикалык форумга катышуу үчүн бүгүн келди. Иш сапары эки күнгө эсептелген.
Ак үй анын визитин АКШнын бизнесин илгерилетүү жана АКШнын глобалдык экономиканын өсүшү үчүн милдеттемесин дагы бир жолу ырастоо катары мүнөздөдү.
Бүгүн ал Давосто Британиянын премьер-министри Тереза Мэй, Израилдин премьер-министри Биньямин Нетаньяху менен эки тараптуу сүйлөшүүлөрдү өткөрүп, Европанын АКШда “кеңири” иш жүргүзгөн компанияларынын башчылары менен жолугат.
Ал эми Давос форумунда ал эртең сөз сүйлөмөкчү.
Трамптын сапарын утурлай 24-январда да Цюрих шаарында ага каршы 1000ден ашуун адам катышкан нааразылык акциясы өттү. (UE)
