24-январда саат 16:45 чамасында Cузактын Кара-Алма айыл аймагынын Орток айылында жер жылганы байкалган. Бул тууралуу маалымат түшөрү менен Өзгөчө кырдаалдар министрлигинин Жалал-Абад облусундагы жооптуу кызматкерлери жер көчкү коркунучунун деңгээлин аныкташ үчүн аймакка жөнөп кетишти.
Азырынча жер көчкү коркунучу эл жашаган аймакка канчалык кооптуу экени белгисиз. Өзгөчө кырдаалдар министрлигинин басма сөз кызматы бул боюнча кошумча маалымат берилерин билдирүүдө. (ZKo)
