Түркмөнстанда чет өлкөлүк валютанын көмүскө базардагы баасы кайрадан көтөрүлдү. 23-январда 1 АКШ доллары рекорддук 12 манатка сатылып жатты.
Өлкөдө валюта менен соода кылуу мыйзамсыз болуп эсептелет. 2016-жылдын башында Түркмөнстандын Борбордук банкы чет өлкөлүк валютаны накталай алмаштырууга тыюу салган.
2015-жылдын январында манаттын расмий курсу белгиленип, ошол бойдон өзгөрбөстөн турат. Расмий курс боюнча бир доллар 3 жарым манатка барабар.
