Кыздарды кыстап турмушка бергендер көп

Кыргызстанда 18 жашка толо электе турмуш кургандардын саны жалпы никеге тургандардын 13 пайызын түзөт. Ал эми коңшулаш Казакстанда мындай көрсөткүч 1% барабар. Кыздардын эрте турмушка чыгып жатканына эмне себеп? Бул маселе "Азаттык" радиосунда "Арай көз чарай" берүүсүндө талкууланды. Тегерек үстөлгө Эмгек жана социалдык өнүктүрүү минстрлигинин гендердик маселелер боюнча адиси Асем Куттубай кызы, эл аралык эксперт Бермет Убайдилаева жана "Аялдарды колдоо борборунун" координатору Элиза Ажиева катышты.