12-октябрда президенттик шайлоодо добуш берүүчү шайлоочулардын акыркы такталган тизмеси жарыяланат. БШК төрайымынын орун басары Абдыжапар Бекматовдун “Азаттыкка” билдиришинче, бул тизме мындан ары өзгөртүүгө жатпайт жана тизмеге кирбей калган жарандар добуш бере албайт.
- Мыйзам боюнча шайлоого үч күн калгандан кеч эмес акыркы тизме илинет. БШК тарабынан шайлоочулардын акыркы тизмеси басылып чыгып, мөөрү менен жер-жерлерге таратылат. Шайлоо тизмеси эртеңден кеч калбай илиниши керек.
Мамлекеттик каттоо кызматы акыркы тизмеге ылайык 3 млн 25 миң 770 шайлоочу катталганын маалымдады. Булардын ичинен 314 миң жаран форма №2 менен шайлоого катышат. (SDz)
