Пхеньян суутек бомбасын сынаганын жарыялады

Түндүк Корея суутек бомбасын ийгиликтүү сынаганын билдирди. Мамлекеттик маалымат каражаттары 3-сентябрда алтынчы ядролук сыноо “ийгиликтүү өткөнүн” жана бул ядролук курал программасын өнүктүрүүдө “маанилүү“ кадам болуп калды деп жазышты. Азырынча көз карандысыз булактар чындап эле суутек бомба жардырылганын ырастай элек. Бирок Жапония өкмөтү сейсмология борборунун маалыматына таянып, Пхеньян буга чейин сыноо жүргүзүп келген аймакта катуу силкинүү катталганын билдирди.