Илмиянов: Көкпардан жеңилгенибизге өкүнбөйбүз
Казакстандын Астана шаарында өткөн көк бөрүнүнүн казакча түрү – көкпар боюнча алгачкы дүйнө чемпиондугунда Кыргызстандын командасы күмүш медал тагынды. “Казанат” атмайданында болгон финалдык таймашта Казакстандын командасы 4:1 эсебинде кыргыз көк бөрүчүлөрүн жеңип алды. Оюндан кийин Кыргызстандын көк бөрү федерациясынын президенти Икрамжан Илмиянов “Азаттыктын” казак кызматына интервью берип кыргыз көк бөрүчүлөрү чеберчилигин көрсөткөнүн, бул сапар оомат казак тарапта болгонун, жеңилүү ызасын тартканына эч качан өкүнбөйбүз деген пикирин айтты. (Видео "Азаттыктын" казак кызматыныкы)