Кыргызстандагы президенттикке талапкер болом деген эки жаран - Сагынбек Абдрахманов менен Марат Иманкулов мындан ары ат салышуудан баш тартышты.
Бул тууралуу алар бүгүн Бишкекте өткөн маалымат жыйында билдирип, шайлоо таза өтпөй турганына ынангандыктан ушундай чечим кабыл алганын жарыялашты.
- Шайлоо таза өтпөшүнө көзүм жетти. Бийлик баары бир кийлигишет, - деди Иманкулов.
Абдрахманов да, Иманкулов да эми өз күйөрмандары менен бирге президенттикке талапкер катары расмий катталган оппозициячыл саясатчы, "Ак Шумкар" партиясынын лидери Темир Сариевди колдой турганын айтышты.
Сагынбек Абдрахманов КСДПдан партиянын пикирине каршы чыкты деген негизде чыгарылганы мурда кабарланган. (UEz/RK)
