Кыргызстандын Борбордук шайлоо комиссиясы жарандардан кайрылууларды интернеттеги Whatsapp тейлөө кызматы аркылуу да кабыл ала баштады.
БШКнын маалымат кызматы билдиргендей, 16-августтан тарта +996 770 660 240 номурлуу Whatsapp кызматы ишке киришти.
Ал аркылуу БШК кызматкерлери жарандардын ар кандай суроолоруна жооп беришет, арыздарды кабыл алат.
Кыргызстандын БШКсынын интернет дареги: http://shailoo.gov.kg/
Кыргызстанда үстүбүздөгү жылы 15-октябрда президенттик шайлоо өткөрүлөт. Бул шайлоо өлкөнүн Башмыйзамы 2016-жылдын 11-декабрындагы референдум аркылуу соңку ирет жаңыртылгандан кийин алгачкы жолу өткөрүлүүдө. (NT)
