Өкмөт башчы тил сынагынан өттү

Президенттикке талапкерликке көрсөтүлгөн өкмөт башчы Сооронбай Жээнбеков мамлекеттик тил сынагын тапшыргандан кийин азыркы президент Алмазбек Атамбаевдин башкаруу саясатын уланткан адам президенттик бийликке келиши керектигин билдирди. Өзү өкмөт башчылык кызматын качан өткөрөрү президенттикке талапкер болуп расмий катталгандан кийин айкын болорун да белгиледи.