Британиянын Европа Биримдигинен чыгуусу боюнча расмий сүйлөшүүлөр бүгүн, 17-июлда башталат. Төрт күнгө улана турган жолугушууларда Британиянын уюмдан чыгуусунун шарттарын так аныктаган чечим кабыл алынары күтүлүүдө.
Сүйлөшүүлөргө Британиянын Брексит боюнча министри Дэвид Дэвис жана Европа Биримдигинин ушул жааттагы жооптуу адиси Мишель Барнье катышат.
Тараптар 2019-жылдын 30-мартына чейин Британиянын уюмдан чыгуу шарттарын анык белгилеп алууга тийиш.
Британия Евробиримдиктен чыгуу кадамын 2016-жылы баштаган.
