Райондун борборунан алыс жайгашкан тоолуу айылдардын тургундарын Бишкек шаарынан келген «Көчмө медициналык борбордун» дарыгерлери бекер текшерип жатат.
Бул тууралуу райондук үй-бүлөлүк дарыгерлер борборунун башчысы Разылбек Бөрүкулов “Азаттыкка” билдирди.
Маалыматка караганда, он бир дарыгерден турган топ 23-июндан бери Аксы районунун Ак-Жол жана Жаңы-Жол айыл өкмөтүнүн тургундарын тейледи. Мындан сырткары алар 40тай түтүн жашаган электр жарыгы жок Кызыл-Бейит айылына да барышкан. Алар 2-июлга чейин райондун бардык тоолуу айылдарын кыдырып чыгышат.
Андан кийин Майлы-Суу шаарын кыдырышат. (RsK)
