2050-жылы дүйнөнүн калкынын саны 7,6 миллиарддан 9,8 миллиардга жетет. Бириккен Улуттар Уюмунун соңку баяндамасына ылайык, мындай өсүштүн жарымына Индия, Пакистан баштаган тогуз өлкө чоң салым кошот. Алардын арасында Нигерия, Конго жана АКШ да бар.
1,3 миллиард калкы бар Индия алдыңкы жети жылда 1,4 миллиарддык Кытайдан ашып өтөт деп күтүлүүдө.
2050-жылга карата Африкадагы 26 өлкөнүн калкынын саны эки эсе көбөйөт. БУУ жакыр өлкөлөрдөгү мындай өсүш билим алуу, жетиштүү тамактануу маселелерин жаратышы мүмкүн деп билдирди.
