Чоң-Алайда жер титирөөдөн жабыркагандарга арзандатылган баада 1462 тонна цемент жеткирилди. Курулуш материалы 16-майдан бери ташылып жатканын Өзгөчө кырдаалдар министрлиги 12-июнда кабарлады.
3-5-май күндөрү жер титирөөдөн Чоң-Алай районунда ондогон турак жайлар авариялык абалда калып, 700дөн ашуун адам чатырларга көчүрүлгөн.
Өкмөттүн Ош облусундагы өкүлчүлүгүнүн басма сөз кызматы билдиргендей, жарандарга цемент 5 сом 10 тыйындан жеткирилүүдө. Базардагы баасы 5 сом 70 тыйын. (SE)
