Ала-Бука райондук ички иштер бөлүмүнүн жетекчи орун басары маңзат бизнесине шектелип кармалды. Ички иштер министрлигинин басма сөз кызматы 17-майда "Азаттык" радиосуна билдиргендей, ал милиция менен Улуттук коопсуздук мамлекеттик комитетинин биргелешкен операциясында колго түшкөн.
Алгач эки адам кармалып, алардан 4 килограмм 754 грамм апийим табылган. Иликтөө иштеринин журүшүндө буга тиешеси бар деп милиция башчысынын 46 жаштагы орун басары да кармалган. Факты боюнча кылмыш иши козголду. (SE)
