Поезд каттамы быйыл июндан тарта кайра ишке кирише турганын Кыргызстандын Өзбекстандагы элчиси Данияр Сыдыков "Азаттык" радиосуна курган маегинде билдирди.
Анын айтымында, эки өлкө ортосундагы темир жол каттамынын жанданышы Кыргызстанда эс алууну каалаган өзбекстандыктарга жакшы туристтик мүмкүнчүлүк түзүп берет.
Мындан тышкары июлдан баштап эки ай бою Ташкенттен Ысык-Көлдөгү Тамчы аэропортуна учкан чартердик рейс ачылып жатат.
Өзбекстан менен Кыргызстандын ортосунда соңку жылдары салкындап кеткен мамиле 2016-жылдын күз айынан тарта жакшы нукка өзгөрө баштады. (EBM/NT)
