Кыргызда да эркекти мансапка аял сүрөйт

Франциянын жаңы президенти Эммануэл Макрондун үй-бүлөсүн дүйнө коомчулугу кызуу талкуулады. Макрон өзүнөн 24 жаш улуу аялы Брижиттин сүрөөнү менен президенттикке жетти деген көз караш басымдуулук кылды. Мансап үчүн күрөштө кыргыз үй-бүлөсүндө аялдын сүрөөнү маанилүүбү? Дегеле аял-эркек өнөктөштүгү калыптанганбы? Эркек аялдан кичүү болбошу керек деген түшүнүктүн төркүнү эмнеде? Ушул жана башка суроолор кезектеги Арай көз чарай талкуусундагы суроолордун өзөгүн түздү. Талкууга педагогика илимдеринин доктору Ишенгүл Болжурова, жазуучу, журналист Олжобай Шакир жана теле алып баруучу Нурзат Токтосунова катышты.