Облустук деңгээлдеги мугалимдердин "Жыл мугалими - 2017" сынагында жеңүүчү аталган Ноокен районундагы орто мектептин мугалими Улан Үметов Анталияга эс алууга жолдомо алды. Бул тууралуу билим берүү кызматкерлеринин облустук профсоюзунун төрагасы Абдукахар Исмаилов "Азаттыкка" билдирди.
- Быйыл биринчи ирет мугалимдерди колдоо иретинде аларга жолдомолорду тартууладык. Андан кийинки орундарга ээ болгон төрт мугалимге Ысык-Көлгө эс алууга жолдомо берсек, калган тогуз мугалимдин ар бирине 10 миң сомдон акчалай сыйлык тапшырдык.
Мындан сырткары облустук бийлик сынакка катышкан 13 район, шаарлардан келген мугалимдерге 80 миң сомдук акчалай жардам көрсөттү. (RsK/KE)
