Өкмөттүк аппараттын маалыматтык камсыздоо бөлүмүнөн "Азаттык" радиосуна билдиришкендей, «kattar.kg» сайтынын иши 8-майда үзгүлтүккө учураган. Адистер аны оңдой албай койгондуктан, порталды иштеп чыккан мамлекеттик "Инфо-Система" башкармалыгына кайрылышкан.
Аталган мекеме сайтка хакердик чабуул жасалганын жана анын маалымат базалары өчүрүлгөн болушу мүмкүндүгүн кабарлаган. Порталды бузуу программалык камсыздоо аркылуу жүргүзүлгөн эмес деген божомол бар.
10-майдан тарта сайтты кайра иштетүү аракеттери көрүлүүдө.
Өкмөттүн “Gov.kg” жана “kattar.kg” сайттары бар. Биринчисинде күнүмдүк иштер, түзүмдөр тууралуу маалыматтар жайгаштырылса, экинчиси аркылуу жарандар электрондук каттар менен өкмөткө кайрылып турушат. (NT)
