Султанбекова: Балдар үйлөрүндө көп көйгөй бар

Өкмөт кароосуз калган балдарга мамлекеттик камкордукту натыйжалуу алып баруу үчүн балдар үйлөрүнүн түзүмүн оптималдаштырууну көздөйт. Бул үчүн балдардын үй-бүлөлүк шартта татыктуу тарбия алышына жана алардын кийинки тагдырына кам көрүү шарт түзүү бул тармактагы жаңы өзгөртүүлөрдү киргизүүнү талап кылууда. Балдар үйлөрүн кармоого мамлекет бөлгөн каражат максаттуу жумшалбай, балдардын жашоо шарты жана тарбиясы оор бойдон калып жатканы белгиленди. Ошол эле кезде балдар үйлөрүн өзүнүн көмүскө киреше булагына айландырып алып, калыптанып калган коррупциялык схемалар аркылуу тармакты бүлүндүргөн учурлар дагы жок эмес. Бул тууралуу өкмөттүн социалдык иштер боюнча вице-премьер-министри Чолпон Султанбекова "Азаттыкка" маек курду.