Кочкорлук мугалимдердин талабы

Тоолуу аймак катары айлык маянасына 20% кошумча төлөмдөн куру калган Кочкор районундагы Семиз-Бел айылындагы мектептин директору жазаланышы мүмкүн. Мындай маселе мектепте Билим берүү министрлигинин өкүлү жана район акими катышкан жыйында көтөрүлдү. Министрликтин өкүлү ага мектептеги окууну үзгүлтүккө учуратуу аракети негиз берет деп түшүндүрдү. Анткени, аталган мектептин мугалимдери кошумча төлөмдүн алынышына нааразылык билдирип, эки ирет ишке чыкпай акция уюштурушкан эле.