Кара-Суу: мектеп курулушу жанданабы?

Кара-Суунун Кыргызстан айылынын активисттери мектеп курулушу токтоп турганын айтып, наарызылыкка чыгышты. Алар окуучулар авариялык абалдагы мектепте билим алып, ага да батпай жатканына даттанышты. Ал эми жергиликтүү бийликтер мектеп курулушу бир-эки жылда бүткөт деп ишендирүүдө. Буга чейин өкмөт Таластагы Жерүй кенин иштетүү лицензиясын сатуудан түшкөн каражатка 2016-жылдын аягына чейин 64 мектеп курууну пландап жатканда маалымдалган.