Ак-Сайдагы малчыларга жардам жетти

Калың түшкөн кардын айынан Ат-Башы районунун Ак-Сай кыштоосунда бир айдан ашык убакыттан бери кабарсыз калган малчылар башына түшкөн түйшүктү убактылуу кыйынчылык катары баалашат. Өзгөчө кырдаалдар министри Кубатбек Боронов, өкмөттүн Нарындагы өкүлү Аманбай Кайыпов башында турган топ 47 үй-бүлөдөн турган малчылардан кабар алып, гуманитардык жардам жеткирип барышты.