Ошто Абдылда Капаров 48 саатка камалды

Ош облустук ички иштер башкармалыгынын мурдагы жетекчиси Абдылда Капаров Ош шаардык милициясынын убактылуу кармоочу жайына 48 саатка киргизилди. Ага укук коргоо органдарына жалган көрсөтмө берген, конституциялык түзүлүшкө шек келтирген, президент Алмазбек Атамбаевдин сүрөтүн өрттөгөн деп айып тагылган. Капаров Ошто Камчыбек Ташиевди, Акматбек Келдибековду жана Мелис Мырзакматовду колдоо митингдерине катышып жүргөн. Соңку мезгилдери "Ата Мекен" фракциясынын депутаты Өмүрбек Текебаевди колдоо акцияларын Ошто уюштурган.