Британиянын атайын кызматы Орусиянын киберчабуулдарына каршы туруу боюнча саясий партияларга сунуштама даярдады. Анын текстин жекшемби күнү "Санди таймс" гезити басып чыкты.
Лондондогу ITV News Peston телеканалындагы кайрылуусунда тышкы иштер министри Борис Жонсон азырынча Орусиянын киберчабуулдары тууралуу так маалымат жоктугун, бирок Москва муну жасай аларын белгиледи.
АКШнын атайын кызматтары Орусияны Дональд Трампты колдоо максатында президенттик шайлоого кийлигишкенин, киберчабуулдарды ишке ашырганын айтып келет. Орусия буларды четке каккан. (SE)
