Дүйнөлүк банк Тажикстанда жаштардын 40% жана аялдардын 27% жумушсуз экенин жарыялады. 14-февралда жарык көргөн баяндамага ылайык, жаңы жумуш орундарын түзүү маселеси эмгек рыногундагы талапка жооп бербейт.
Тажикстанда калктын саны өсүүдө жана 2030-жылы 11,5 миллион кишиге жетери болжолдонууда.
Баяндамада айтылгандай, маселени жеке секторду өнүктүрүү менен чечүүгө болот. Бул учурда калктын бир бөлүгү жумуш менен камсыз болуп, базарларды жергиликтүү продукциялар менен камсыздоого мүмкүнчүлүк түзүлөт.
