Президент Алмазбек Атамбаев "Ала-Арча” резиденциясында Дача - СУ конушунда учак кырсыгынан каза болгондордун жакындары менен жолугушту. Бул тууралуу президенттин маалымат кызматынан кабарлашты.
Жолугушууга журналисттер катыштырылган жок. Муну аппараттан маселенин коомчулукка аялуу экенине байланыштуу деп түшүндүрүштү.
Буга чейин социалдык тармактарда президент Атамбаевдин кырсык болгон жерге барып, андан жабыркагандардын абалына кызыкпаганы талкууланып, ар кандай сындар айтылган эле. (BkA)
