Өмүр бою эркинен ажыратылган укук коргоочу Азимжан Аскаров Чүй облустук сотунун өкүмүнөн соң ачкачылык жарыялай турганын билдирди. Бул тууралуу сотто жүргөн “Азаттыктын” кабарчысы кабарлады.
Бүгүн Чүй облустук соту укук коргоочу Азиммжан Аскаровду күнөөлүү деп таап, өмүр бою эркинен ажыратуу боюнча Базар-Коргон райондук сотунун өкүмүн өзгөртүүсүз калтырды. Ишти караган судьялар бул иш боюнча күбөлөрдүн, жабырлануучулардын көрсөтмөлөрү далилденип, Аскаровдун күнөөсү аныкталганын белгилешти.
Мындан соң Аскаров журналисттерге кайрылып, ачкачылык жарыялай турганын билдирди.(BkA/NT)
