Жалал-Абад шаарындагы “Тажмахал” эс алуу жайынын кожоюну Абдусатар Азизов октон жараат алды. Учурда шаардык оорукананын жандандыруу бөлүмүндө жатат. Абалы салыштырмалуу дурус.
Жакындарынын айтуусунда, окуя 18-январда Индустриал көчөсүндө болгон. Ал өзүнүн машинесинде баратканда белгисиз киши ок чыгарган.
Облустук ички иштер башкармалыгы билдиргендей, окуя болгон жерге күч кызматкерлери барып травматикалык тапанчанын окторун табышкан. Окуя боюнча кылмыш иши козголду. (RsK\SE)
