Кыргызстандагы Кытай элчилиги 18-январдан баштап виза берүү үчүн манжалардын изин чогулта баштайт. Бул тууралуу Кыргызстандын Тышкы иштер министрлиги кабарлады.
Маалыматта "мындай чаралар Кытай Эл Республикасынын майзамдарына кирген өзгөрүүлөрдүн негизинде болуп жатат жана виза берүү технологиясын жеңилдетет", - деп жазылган.
2016-жылдын 30-августунда Бишкектеги Кытай элчилигинин имаратына жанкечти автоунаа менен кирип, бомба жардырган. Окуяда жанкечти өзү өлүп, элчиликтин үч кызматкери жарадар болгон. Окуядан соң Кытай элчилиги кыргыз жарандарына виза берүүнү токтоткон. (SDz)
