Ташкент шаарынын акими Рахмонбек Усманов Албек Ибраимовду Бишкектин мэри болуп шайланышы менен куттуктады. Тышкы иштер министрлигинин басма сөз кызматы билдиргендей, Усманов бүгүн Кыргызстандын Өзбекстандагы элчиси Данияр Сыдыков менен жолугушкан учурда куттуктоосун айтып, аны Ибраимовго жеткирүүнү суранды. Өзү жакын арада жеке кат жолдой турганын белгиледи.
Бүгүн Бишкек шаарында мэр шайлоо өтүп, Албек Ибраимов 29 добуш менен депутаттардын колдоосуна ээ болду. Атаандашы Нурдин Абдылдаев 12 добуш алды. Эки депутат баарына каршы болушту.
Шаардык кеңеште 45 депутат бар. (SE)
