Райондун Көлмө айылынын 16 жаштагы тургуну Тумара Таалайбек кызы ушул жылдын 2-январь күнү үйдөн чыгып кеткен боюнча кайткан эмес. Бул тууралуу кыздын апасы Жыпара Алтымышова “Азаттык” радиосуна билдирди. Алар кызды милиция менен биргеликте издеп жатышат.
Алтымышова жолдошу менен бир топ жыл мурда ажырашып, кызы күйөөсүнүн колунда калган. Турмуш шартка байланыштуу Тумара 9-класстан кийин мектепти таштап салган. Такталбаган маалыматтарга ылайык, секелек кыз үй-бүлөдөгү уруш-талаштан улам качып кетиши мүмкүн экендиги айтылууда.
Райондук ички иштер бөлүмү да бул багытта издөө жарыялады. (RsK)
