Бул тууралуу Нарын шаардык мэриясынын басма сөз катчысы Элиза Качкымбаева билдири. Анын айтуусунда, 9-январда Нарын шаарынын мэринин милдетин аткаруучу Алмаз Суранов "Кара-Кече" көмүр кенинен Нарын шаарына көмүр алып келүү боюнча “Кыргыз көмүр” ишканасы менен сүйлөшүү үчүн жөнөп кеткен. Ал эми жеке ишкерлер өз алдынча алып келген көмүрлөр Нарын шаарынын борбордук баазарында кечээтен тарта сатыла баштады.
Жаңы жылдык тазалоо иштерине карата "Кара-Кече" көмүр кени ишин убактылуу токтоткон. Бул аралыкта Нарын шаарына күн сайын мүшөктөп көмүр алгандар көмүрсүз калган болчу. “Кыргыз көмүр” ишканасы ишти 13-январдан баштап жандандырарын кабарлаган.
Көмүрдүн азыркы баасы тоннасына 3500-4000 сом болууда.(MiK)
