Бул тууралуу Бишкек шаардык кеңешиндеги оппозициядагы “Өнүгүү-Прогресс” фракциясынын лидери Таалайбек Сариев билдирди. Анын айтуусунда, учурда “Мекеним Кыргызстан” фракциясы менен сүйлөшүүлөр жүрүп жатат. Жакында оппозициячыл коалиция түзүү боюнча бир чечим кабыл алынмакчы.
Жергиликтүү кеңешке шайлоо 11-декабрда өтүп, Бишкек шаардык кеңешке беш фракция жеңишке жетишкен. Алардын ичинен КСДП, “Республика-Ата Журт” жана “Кыргызстан” фракциялары көпчүлүк коалиция түзгөн. Ал эми “Өнүгүү-Прогресс” жана “Мекеним Кыргызстан” оппозицияда калган.(BkA)
