Молдалиев: Даават мечитте гана жүрүшү керек

Москва шаарында "Таблиги жамаат" диний уюмунун жети мүчөсү кармалып, алардын басымдуусу кыргызстандыктар болуп чыкты. "Таблиги жамааттын" ишмердүүлүгүнө Кыргызстанда уруксат берилгени менен Орусия жана башка коңшу өлкөлөрдө тыюу салынган. Таблиги жамаат деген кимдер, алардын ишмердүүлүгүнүн өзгөчөлүгү эмнеде, тыюу салынган өлкөлөрдө алар кандай иш жүргүзүп жатат? “Азаттык” бул суроолорду Дин иштери боюнча мамлекеттик комиссиянын мурдагы жетекчиси Орозбек Молдалиевге узатты.