Чекисттер өз милдетин ийгиликтүү аткарып жатышканы президент Алмазбек Атамбаевдин УКМК кызматкерлеринин кесиптик майрамы менен куттуктоосунда айтылат. Анда эл аралык террорчулук, экстремизм, трансулуттук кылмыштуулук, баңги аткезчилигине жана коррупцияга каршы күрөштө коопсуздук кызматкерлердин орду чоң экени белгиленген.
"Оор жана коркунучтуу жумуш экенине карабай, чекисттер өз милдетин ийгиликтүү аткарып жатат. Террордук жана экстремисттик топтордун ишине бөгөт коюу боюнча бир катар ийгиликтүү иш-чаралар өткөрүлдү", деп жазылган куттуктоодо.
Кыргызстанда бүгүн чекисттер кесиптик майрамын белгилөөдө. (NT)
