ИИМдин басма сөз кызматы билдиргендей, Бишкекте эки кызды жер төлөдө камап, сойкулук кылууга мажбурлаган факты ачыкка чыкты. Милицияга 14-декабрда түшкөн маалымат текшерилген учурда жаңы конуштардын бириндеги үйдүн жер төлөсүнөн 16 жана 18 жаштагы эки кыз табылып, алар аргасыздан денесин сатып жүргөнү белгилүү болду. Экөө тең Жалал-Абад облусунан келген. Аларды мыйзамсыз кармап, пайдаланган деген шек менен башкалаанын 38 жаштагы тургуну кармалды. Азыркы тапта тиешелүү материалдар топтолуп, кылмыш ишин козгоо маселеси каралууда. (NT)
