Израилдин премьер-министри Биньямин Нетаньяху жана Казакстандын президенти Нурсултан Назарбаев 14-декабрда Астанада жолугушту. Эки лидер экономика, медицина, соода, инвестиция жана террорчулукка каршы күрөшүүдө кызматташууну сүйлөшкөнүн Нурсултан Назарбаев жолугушуудан кийин билдирди. Сүйлөшүүлөр соңунда визасыз каттоо, аба каттамдары, агрардык тармакта, коррупцияга каршы күрөштө кызматташуу боюнча документтерге кол коюлду. Назарбаев жана Нетаньяху казак-жөөт ишкерлеринин форумуна да катышмакчы. Бул Нетаньяхунун Казакстанга биринчи сапары болуп калды. Ал Казакстанга Бакудан келди. Азербайжанда ал президент Илхам Алиев менен эки тараптуу кызматташуу боюнча сүйлөшүүлөрдү өткөргөн. (AiT)
Назарбаев менен Нетаньяху Казакстан-Израил мамилесин талкуулады
