Швейцариянын Кыргызстандагы элчилиги аялдарга жана кыздарга зомбулук көрсөтүүгө каршы 16 күндүк өнөктүк алкагында журналисттерди сыйлады. Элчи Рене Холенштайн аялдар укугун мыкты чагылдырган кабарчыларга сыйлыктарды 8-декабрда тапшырды.
Сынакты “Сезим” кризистик борбору “Интерньюс” менен бирге жүргүздү. Каржылык колдоону Швейцария элчилигинен тышкары,“Сорос-Кыргызстан”, БУУ аялдары уюмдары көрсөтүштү.
Сынакка 66 автордон 100дөн ашуун материал түшкөн. Журналисттердин эмгектери калыстардын кароосунан өтүп, төмөнкү кабарчылар жеңүүчү деп табылды:
Телерадио багытында:
3-орундун эки сыйлыгы “Азаттыктын” кабарчысы Санжар Эралиевге жана Биринчи радиодон Таалайгүл Сыдыкбековага ыйгарылды.
2-орун НТСтин Оштогу кабарчысы – Гүлжан Алтымышбаевага,
1-орун журналист Аида Касымалиевага берилди.
Гезит жана интернет басылмалар багытында:
3-орун - Анархан Жаңыбаева,
2-орун – Аймира Мендеева,
1-орун – Дина Кожахметова.
Блог жана мултимедиа багытында:
2-орун – Алтынай Балтабаева,
1-орун – Бермет Талант.
Жеңүүчүлөргө сертификат, эстелик белектер, Айпед жана Айфондор тапшырылды.
“Азаттыктын” кабарчысы кыргыз коомчулугундагы келиндерге болгон мамилени талдаган “Муфтий келиндерди коргоп чыкты” макаласы үчүн сыйланды.
