Таласта жол кырсыгынан набыт кеткен үч адамдын өлүмүнө себепкер болду деп кармалган 22 жаштагы жарандын иши бүгүн сотко жиберилди. Бул тууралуу «Азаттыкка» Талас шаарынын прокурору Анарбай Мамажакыпов билдирди.
Айып Кылмыш-жаза кодексинин 281-беренесинин 3-бөлүмүнүн негизинде коюлду.
Бир ай мурун Таласта "Тойота" үлгүсүндөгү автоунаа алдында бараткан "Мерседести" сүзүп алган. Натыйжада Бакай-Ата районунун үч тургуну кырсык болгон жерден мерт кетип, жүргүнчүлөрдүн экөө ооруканага түшкөн. (AlS)
