Ак үй алдындагы митинг

Ак үй алдында бүгүн өкмөттөн электр энергиясына туташууга уруксат берүүнү талап кылып, Бишкектин четиндеги Ак-Ордо-3 жаңы конушунун тургундары митинг өткөрдү. Акциянын уюштуруучулары митингге 500дөй адам чыкканын айтууда. Ал эми көз каранды эмес байкоочулар 200дөй катышуучу бар экенин, айрымдары майда балдары менен келгенин билдирди. Бишкектин тегерегинде жайгашкан жаңы конуштардын саны 50гө жетет. Көпчүлүгүнүн документи толук болбогондуктан инфраструктурасы өнүккөн эмес.