"Кыргызнефтегазда" мүлк талаш
Кочкор-Ата шаарындагы "Кыргызнефтегаз" ишканасынын имаратында нааразычылык акция өттү. Чогулган кызматкерлер ишканага жаңы жетекчинин келишине каршылыгын билдирип, мурдагы жетекчиликти ордунда калтыруу талабын коюшту. «Кыргызмунайгаздын» 2010-жылга чейинки ишкана жетекчилиги менен эмгек жамаатынын ортосунда мүлк боюнча талаш сотто териштирилип, ал аягына чыга элек. Сот эмгек жамааттын жүйөлөрүн туура деп тапкан. Бирок жакындан бери сот иши райондор аралык сотто кайрадан каралганы турат.