БУУнун Адам укуктары боюнча кеңеши Женевада Сириянын Алеппо шаарындагы кырдаалга арналган атайын жыйын өткөрүүдө. Британиянын демилгеси менен чогулган жыйын катышуучулары калаанын козголоңчулардын карамагындагы бөлүгүндө болуп жаткан зордук- зомбулуктар боюнча резолюция кабыл алууга ниеттенүүдө.
Алеппонун 250 миңдей тургуну Орусия колдогон өкмөттүк аскерлердин камоолунда калган. 47 мамлекетти камтыган кеңешке кайрылып, БУУнун Адам укуктары боюнча мекемесинин башчысы Зеид Раад ал-Хусeйн "тарыхый масштабдагы кылмыштарга" каршы чара көрүүгө чакырды.
