Ат спортунун татаалы - жыгач тосмо

Дүйнөлүк Көчмөндөр оюнунда кыргыздар ат үстүндө ойноп, шамал менен жарышкан чабандестик өнөрүн дүйнөгө көрсөтүштү. Ал оюндарга күбө болуп отуруп ат спортунун түрлөрүнүн эң кызыктуулары көчмөн элдерине таандык деп ойлошуңуз мүмкүн. Бирок, тээ илгери Францияда ойлонуп табылган конкур, кыргызча айтканда “ат менен тоскоолдуктардан секирүү” спорту дүйнөдө популярдуу. Олимпиадалык оюндарга кирген конкур спортунан эл аралык мелдештерде ийгилик жараткан кыргызстандык чабандестер да бар. Учурда алар Москвада өтө турган эл аралык сынакка кызуу даярданууда. Бишкектеги өспүрүмдөрдүн ат спорту боюнча мектебине кабарчыбыз Токтосун Шамбетов барып келди.