Италия: зилзаладан өлгөндөр саны 250дөн ашты
Италия бийликтери 24-августта эртең менен болгон жер титирөөнүн курмандыктары дагы өсөт деп чочулоодо. Өлкөнүн жарандык коргонуу агенттигинин маалыматы боюнча, “дайынсыз жоголгондордун саны арбын”. Куткаруу жана издөө иштери уланууда. Италиянын борбордук бөлүгүндө болгон жер титирөөнүн күчү 6,2 баллга жеткен. Аккумоли, Аматрис, Поста жана Аркуата-дель Тронто шаарлары олуттуу зыянга учурады.