Төрөттөн ажал тапкандар азайган жок

Дүйнөлүк Саламаттыкты сактоо уюмунун маалыматы боюнча Кыргызстан постсоветтик чөлкөмдө энелердин өлүмү эң көп катталган өлкө. Маалыматка ылайык, Кыргызстанда ар бир 100 миң аялдын 76сы төрөт учурунда көз жумат. Өлкөнүн Саламаттыкты сактоо министрлиги төрөт учурунда каза болгондордун көп экенин моюнуна алып, мындай кырдаалды өлкөдөгү социалдык-экономикалык абал, жарандардын өз саламаттыгына жетиштүү кам көрбөгөнү менен байланыштырат.