Кыргызстандын улуттук футбол курамасынын жарым коргоочусу Ахлидин Исраилов Украинанын “Черкасский Днепр” командасы менен келишим түздү. Макулдашуу боюнча Исраилов Украина чемпионатынын биринчи лигасында ойнойт. Футбол федерациясынын маалыматы боюнча, келишим эки жылга түзүлдү.
Исраилов 2008-жылдан баштап Киевдин “Динамо-2” клубунда ойноп жүрөт. Аталган клуб 2015-2016-жылкы сезондун соңунда таратылган.
