Ысык-Көл районунун акими Раимбек Имангазиев ээлеген кызматынан бошотулду. Тийиштүү буйрукка 19-июлда премьер-министр Сооронбай Жээнбеков кол койду.
14-июлда өкмөттүн Ысык-Көл облусундагы өкүлчулүгүндө райондук администрациялардын иши талкууланып, Ысык-Көл жана Түп райондорунун акимдеринин жумушу сынга алынган эле. Андан соң эки район акимдери - Раимбек Имангазиев менен Ишен Кожалиев кызматтан кетүү тууралуу арыз жазышкан. Премьер-министр азырынча Имангазиевди жумуштан алды.
